ពិធីក្រុងពាលី និងបញ្ចុះបឋមសិលាសាងសង់អគារសិក្សាថ្មី នៅស្រុកចុងកាល់ ខេត្តឧត្ដរមានជ័យ
ពិធីក្រុងពាលី និងបញ្ចុះបឋមសិលាសាងសង់អគារសិក្សាថ្មី នៅស្រុកចុងកាល់ ខេត្តឧត្ដរមានជ័យ
ថ្ងៃអង្គារ ១២កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី២៨ ខែមេសា ឆ្នាំ២០២៦ លោក លី រដ្ឋា អភិបាលនៃគណៈអភិបាលស្រុកចុងកាល់ បានដឹកនាំ លោកអភិបាលរង លោកនាយករងរដ្ឋបាលស្រុក ប្រធាន អនុប្រធាន ព្រមទាំងមន្ត្រីការិយាល័យអប់រំ យុវជន និងកីឡា លោកនាយក លោកគ្រូ អ្នកគ្រូ សិស្សានុសិស្ស និងប្រជាពលរដ្ឋ ដែលមានសមាសភាពចូលរួម សរុបចំនួន ៥៦៨នាក់ អញ្ជេីញចូលរួមក្នុងពិធីក្រុងពាលី បញ្ចុះបឋមសិលាសាងសង់អគារសិក្សាថ្មី ចំនួន ១ខ្នងស្មេីនឹង ៦បន្ទប់ និងបង្គន់អនាម័យ ចំនួន ១ខ្នង ៥បន្ទប់ ។ អគារថ្មីស្រឡាងនេះគឺជាជំនួយឧបត្ថម្ភដោយក្រុមហ៊ុនហ្រ្គេប ខេមបូឌាឯ.ក (Grab Cambodia Co.Ltd )នៅបរិវេណសាលាបឋមសិក្សា អំពិល ស្ថិតនៅ ភូមិអំពិល ឃុំពង្រ ស្រុកចុងកាល់ ខេត្តឧត្ដរមានជ័យ ក្រោមអធិបតីភាពដ៏ខ្ពង់ខ្ពស់របស់លោកជំទាវបណ្ឌិត គឹម សេដ្ឋានី រដ្ឋលេខាធិការប្រចាំការនៃក្រសួងអប់រំ យុវជន និងកីឡា តំណាងដ៏ខ្ពង់ខ្ពស់ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា និង ឯកឧត្តម លោកជំទាវប្រតិភូអមដំណេីរ ព្រមទាំងលោកស្រី មុំ ពុទ្ធីតា អភិបាលរងនៃគណៈអភិបាលខេត្ត តំណាងឯកឧត្តម មាន ចាន់យ៉ាដា អភិបាលនៃគណៈអភិបាល ខេត្តឧត្តរមានជ័យ។
ការសាងសង់អគារថ្មីនេះ នឹងឆ្លេីយតបទៅនឹងតម្រូវការចាំបាច់របស់ក្មួយៗសិស្សានុសិស្ស ក្នុងតំបន់ផ្តល់នូវបរិស្ថានសិក្សាប្រកបដោយផាសុកភាព
សុវត្ថិភាព និងស្តង់ដាបច្ចេកទេស៕
សូមទស្សនាកម្រងរូបភាពខាងក្រោម សូមអរគុណ
Comments